"الــحــزن فــي صــوتــك"

"الــحــزن فــي صــوتــك"

الحزن في صوتك ازعج ساكنـي
لين صار الكون من حولي حزين

غصب عني حزن صوتك هاجني
لين خلى عاصـي المعنـى يليـن

و امتثل حرف القصيد و عادنـي
و انسكب حزنك على شعري حنين

شلت انا صوتك و حزنك شالنـي
أكتم الصرخة و ينسـاب الأنيـن

شفت حزنك كيف حزنك شافنـي
كيف داهم خلوتي فـي لحظتيـن

طير أنا مثلـك زمانـي ضامنـي
جرحتني مثلـك سيـوف السنيـن

صابك اللي مـن زمـان صابنـي
في معاليق الحشا جرحـه دفيـن

كلمـا ودعـت هــم زارنــي
من عذاب الوجـد بيـاح الكنيـن

الفـرح عقـب الصداقـة هابنـي
خافت البسمة على وجهـي تبيـن

طير يا اللي صوت حزنك هاضني
الله اللـي ينتصـر للصابـريـن...

وسلامتكم ..