وسام المنتدى
من طرف ياصاحبي الدنيا حكايات وعلوم
قصه عجيبه تذهل اللي قراها
الدنيا لو تضحك معك دايم الدوم
خلك فطين ولايهمك رضاها
كم واحد يبني له امال وحلوم
يفنى وغيره يهتني في بناها
ياما افرحت قوم واحزنت قوم
وكم اعشقت كيف وخانت غلاها
ياصاحبي شفت امس وشفت حالنا اليوم
دنيا تقلب الله يكفي بلاها
اليوم لامنه بغت عيني النوم
تنكدت روحي وعافت كراها
ماكل من علا بالصوت مفهوم
وماكل روح تلتقي في مناها
وماكل من يشكي معذب ومحروم
وماكل من يضحك همومه نساها
بحر الحياه ان كنت ماتعرف العوم
يرميك في غبه بعيده مداها
من راح يستسلم من احزان وهموم
يموت حي وحاجته ما قضاها
واجه هبوب الوقت بإيمان وعزوم
لابد ماربك يهدي هواها
وصبر اذا شمسك حجب نورها غيوم
الغيم يفترق ويشرق سناها "
