وسام المنتدى
من طرف السلام عليكم ورحمة الله وبركاته
اخواني
اقدم لكم هذه القصيدة لمحبي الادب العراقي
هي قصيدة عراقية قديمة وساترك لكم التعليق عليها فلا تبخلو به عليّ
----------
شلون بيه وثقل وزن احسابي
وانملى مني المعاصي كتابي
شلون بيه لو قرب مني الأجل
واخذ سمعي ولساني انكتم
وظلت عيوني تدير على الاهل
تشوفها تهل الدمع لمصابي
شلون بي النفس لو منت كمت
ومني ملك الموت اخذ روحي وصعد
للمغيسل طلعو مني الجسد
وقام غسالي يجرد ثيابي
شلون بي الكفن لو لفوني
للقبر بعد بعد الغسيل شالوني
ونزلوني بحفرتي واروني
وقام دفاني يهيل ترابي
شلون بي لو مسيت بحفرتي
بدار غربة وبس احاتي غربتي
لا عمل ويلي ويرد وحشتي
وابعدو عني هلي وصحابي
شلون منكر لو لفاني للقبر
وقام ينشد بيش قضيت العمر
شنهو ذاك الوقت من عنده اعذار
شنهو عن ذيك لمعاصي جوابي
شلون بي من ترد ليّاعمالي
والذنوب تصير كلها اقبالي
وادري منكر ما يروق بحالي
وهذا حكم الله عليّ حسابي
شلون بي لو قضب جسمي القبر
وقام من خشمي حليب امي يذب
شلون بي لو وقفت يوم الحساب
شايل ذنوبي وقدامي الكتاب
شنهو عذري وشعطي للباري الجواب
وان يعاتبني ويزيد عتابي
شلونبي من التفت يسرى ويميني
يوم هذا يشيب عند الجنين
مال لا ينفع ولا ينفع بنينن
ولا ندم ينفع وعقب انجازي
