وسام المنتدى
من طرف مريومة الخميس يناير 15, 2009 8:36 pmأنا يا بحر ما جيتك فضى ولمشاهدك شفقان
أنا جيتك أبنسى اليأس وبعض الهم يباريني
على جالك أنا جالس أسامر موجك الغضبان
أسولف له عن أوجاعي وعناي وغربة سنيني
علامك يا بحر غاضب علامك تصرخ بكتمان
أنا جيتك أبشكي لك وأبي منك تواسيني
أنا مثلك بحر لكن وسط نفسي أنا غرقان
تعبت أبحر مع نفسي وأسألها أنا ويني
أنا محتار في وصفي ومع نفسي أنا حيران
أنا لا قادر أفهمها وهي تجهل مضاميني
أنا مليت من حزني وتعبت أبحث عن السلوان
ولا ضنيت به شيء عن أحزاني يسليني
أحس أن الحزن عالم بحورة وصحوة ووديان
تخيل يا بحر حجمة إذا حجمة سكن فيني
تصور لو شقا الدنيا تجمع في هموم أنسان
تصدق ما بقى بالكون أسى ما بات في عيني
ترى كل الحزن لوغاب وراح لأخر الأوطان
يغيب ويرتحل لحظات ويرجع يستقر فيني
أنا آخر فصول الحزن وأنا لدروبة العنوان
وأنا اخر عزوفاته واصواته تغنيني
أنا والليل والغربة تعانقنا مثل الأخوان
ليلي كل آهاتي وللغربة عناويني
تعبت أسقي ثرى احلامي وأوزع بالوهم بستان
تعبت ولا نبت زرعي وتعبت وجفت بساتيني
جحدني حظي العاثر رماني بسكة الحرمان
جحدني ولا مرة على الفرح يرسيني
ألا يا بحر جاوبني وش آخر هذي الأحزان
وش آخر رحلة أوجاعي وعناي وغربة سنيني
