وسام المنتدى
من طرف مريومة الثلاثاء ديسمبر 02, 2008 10:12 pmاه..واه يا ناى...بتعزف احزن الحانى
لحن الدموع والاسى...وصدى وهجرانى
موال حزين...مسطور فى نوتة الحانى
نغمه حزينه اتعملت علشانى
آهات كتير..وموج عالى بيضرب كل شطآنى
وكل آه بوجع...والله كتير يا زمانى
آآآه جروح...آآآه دموع...وآآآه لجرح وجدانى
والله آهاتى كتير...وجرحى كبير..كافانى
حزين يا ناى...متبكينيش...وابعد وانسانى
كفاياك عويل وبكا...مش هسمعك تانى
مواويل حزينه...دا غنا...وللا نوح غربانى
بالله كفايه يا ناى ...سديت انا ودانى
وجعك فتحلى كل جروحى من تانى
كسرلى قلبى ومن روح الروح بكانى
وللا اقولك ..ما تبعدشى...
مين غيرك..فى كل جروحى واسانى
مين غيرك...وانا تايه...على برى ورسانى
مين غيرك لمس قلبى...لمس جرحى..
.لمس حزنى...ونسانى
فى الحزن دايما رفيقى..وكل الناس نسيانى
نزف دمعى مع نغمك...وهون مر اشجانى
انا كلامى انتهى...ومش راح اعيده من تانى
يا ناى كل الكلام قلته...ومش هاقول كلام تانى
يا ناى انت اللى فاضللى..ما فيش بعدك صديق تانى
.................
.......................
