وسام المنتدى
من طرف ودي اموت اليوم و اعيش باكر .. و اشوف من هو بعد موتي فقدني .. //
و من هو حملني لين ذيك المقابر .. و اشكر انا كل من كرمني و دفني .. //
و بشوف يرثيني انا كم شاعر .. و من هو تركني و ما كتب شي عني .. //
شخص تعنا لي مع انه مسافر .. و شخص قريب و انا ميت طعني .. //
و شخص يمثل دمعته ماهو قادر .. و شخص تطيح دموعه كل ما ذكرني .. //
و من هو من اهلي في العزا كان حاضر .. و من هو دعا لي في صلاته و رحمني .. //
و من هو بنا باسمي سبيل و منابر .. و من هو يفز قلبه الا مت لمحني .. //
و من هو عشاني طول الايام ساهر .. و من هو ثلاث ايام راح و تركني ..//
و من هو يرتب غرفتي و الدفاتر .. و ان شاف لي صورة مات و حظني .. //
يالله عسى ما تخفى كل المشاعر .. يالله عسى ماينصدم يوم ظني .. //
خايف يروح العمر و اكون خاسر .. و ان طار طيري ما يفيد التمني .. //
و خايف يجيني وقت اكسر خواطر .. ان دارت الدنيا و زماني كسرني .. //
و مدام هذي الدنيا صارت مظاهر .. و كل من على كيف و جوه يغني .. //
صحيح مسلم لكن الهم كافر .. كل ما بغيت اضحك يهددني حزني .. //
الضيق وافي و الحزن حيل وافر .. و الجرح اكثر شي شفته يحبني ..//
عايش و ميت بين ماضي و حاضر .. و الصبر مفتاح الفرج ضاع مني ..//
قل وش تبي تتركني يا حزني امر .. مسكين فرحي تصدق انه واحشني .. //
شاعر و لكن ماني بشاعر .. ودي اموت اليوم و ارتاح مني .. //
