وسام المنتدى
من طرف حوار لطيف بين زوج مع زوجته
الزوج:>> حبيبتي أنا حأطلب بيتزا ، عايزة حاجة ؟
الزوجه:>> لا يا حبيبي
الزوج:>> اوكي
الزوجه:>> ولا اقولك ..؟
الزوج:>> ها ، أطلب لك كمان ؟
الزوجه:>> مش عارفة
الزوج:>> مش عارفة اذا كنتي عايزة ؟
الزوجه:>> لا
الزوج:>> انتي جعانة ؟
الزوجه:>> يعني
الزوج:>> يعني إيه يعني...؟
الزوجه:>> يعني مش متأكدة اذا كنت جعانة ولا لأ.
الزوج:>> الواحد لما بيكون جعان بيعرف
الزوجه:>> لأ بس يمكن اجوع بعدين
الزوج:>> يعني اطلب لك بيتزا؟
الزوجه:>> طيب واذا ما كنتش جعانة وقتها..؟
الزوج:>> ما تاكليش
الزوجه:>> بس ده كدة يبقى تبذير
الزوج:>> خلاص ، تبقي تاكليها بكرة
الزوجه:>> و اذا ما كانش لي نفس آكل بيتزا بكرة؟
الزوج:>> مش محتاجة نفس ، الواحد عادي ممكن ياكل بيتزا كل يوم
الزوجه:>> انا لا .. أنا مش باكل بيتزا الا لما يكون عندي نفس للبيتزا
الزوج:>> طيب بلاش ، أطلب لك حاجة تانية؟
الزوجه:>> بس أنا مش عايزة حاجة تانية
الزوج:>> يعني عايزة بيتزا؟
الزوجه:>> لا
الزوج:>> يعني مش عايزة حاجة؟
الزوجه:>> لأ برضه
الزوج:>> جننتيني ، طب أعمل إيه؟
الزوجه:>> اطلب انت لنفسك
الزوج:>> الحمد لله ، اخيرا .. ماشي ..
الزوجه:>> بس اطلب بيتزا بالماشروم
الزوج:>> نعم ؟ انا مش بحب البيتزا بالمشروم
الزوجه:>> بس انا بحبها
الزوج:>> وانتي مالك ؟ هو انا حاطلب ليا ولا ليكي
الزوجه:>> ليك طبعا
الزوج:>> طيب أطلبها ليه بالمشروم...؟
الزوجه:>> يمكن اجوع لما يوصل الاكل
الزوج:>> وبعدين؟
الزوجه:>> يا سلام ، يعني تفتكر آكل حاجة مش عاجباني؟
الزوج:>> ليه هو انتي – أصلاً - عايزة تاكلى
الزوجه:>> ليه لأ
الزوج:>> يا مثبت العقل .. هو أنا حاطلب بيتزا لي , عشان احتمال انتي تاكليها اذا كنتي جعانة؟؟
الزوجه:>> بالضبط
الزوج:>> وأنا بلاش آكل؟
الزوجه:>> يمكن وقتها أكون مش جعانة
>>>>>>>>>>>>>>>
ملاحظة
محكمة الجنايات قررت تبرئة الزوج من تهمة
"قتل الزوجة مع سبق الإصرار والترصد"
وتحويل التهمة إلى ..
"قتل الزوجة دفاعاً عن النفس
تمت "
