سلام عليكم ..
اخواني اخواتي بعد التحية ..
سوف ادخل بالموضوع بدون ديباجة او مقدمه .. لسبب بسيط هو انني لا احب ان اكون كاتبة او محللة او ناقدة .. فأنا مجرد محبة للشعر .. لذلك سوف ادخل بالموضوع سريعاً ..
اكيد لفت انتباهكم اني انشر الكثير من قصائد الشعر النبطي لكن ما لا تعريفنه هو ان اكثر هذه القصائد هي لي شاعر واحد هو سعد بن علوش .. ومن اكثر قصائده التي احب هي الاختناق المهم هو اني
عرفت هذا الاسم في لقاء عبر احد المنتديات.. تكونت لي فكرة عن هذا الشخص الذي قرأت عنه .. وصلت الى نقطتين .. او استنتجت شيئين في ذلك الوقت ..
اما ان يكون هذا الشخص مغرور !! ..
او ان يكون هذا الشخص ذو ثقة عالية في امكانياته ..
فلم ارد ان اتسرع في الحكم عليه .. قلت الايام تثبت اي الامرين هو الصحيح .. سوف اتابع هذا الشاعر واحكم عليه من وجهة نظري ..
من خلال متابعتي له ولقصائده وجدت الخيار الثاني يفرض نفسه بقوة ..
شاعر متمكن .. ذو ثقة عاليه في قدراته .. يحمل مقومات الشاعر الناجح .. الجزل .. في وقت كثر فيه الشعار وقل فيه الشعر !! .. يغرد بعيدا بصوت الكروان عن سرب اختلطت اصواتهم واصبحت اقرب الى النشاز !!
شاعر لا يريد ان يقول قصيده جديده تمر مرور الكرام .. فتميز بأختيار القافيه الصعبه الذي يتحاشاها اكبر الشعراء .. حتى لا يقعوا في مطب لا يحسدون عليه .. وحتى لا تفارق الجزاله شعرهم .. فجمع سعد علوش بين الاثنين الجزاله والقافيه الصعبه ..
المتمعن في قصائد سعد علوش يدرك تمام انه يقف امام شاعر ليس بسهل .. انما شاعر يستخدم طريقة السهل الممتنع .. فمفردات كلماته سهله .. ولكن صعب ان تقلده !!
استطاع بن علوش ان يحقق شهرة واسعه وانتشار كبير في فترة بسيطة .. يستخدم في اشعاره مفردات الشارع البسيطة التي لا تحتاج الى تبحر في مختار الصحاح او سؤال ( الشيبان) عنها ..
لنتطرق قليلا الى اشعاره ..
دائما يذكر سعد في اشعاره اعتزازه بنفسه ولا يحب ان يظهر كالضعيف .. وتجده دائما عندما يقف موقف الضعيف المنكسر .. يبرر ذلك سريعا ويجعلك تبعد هذا الاحتمال من مخيلتك فأنه القوي الشامخ ..
وهذا الشيء واضح في بيتين من قصيدته ( ركز معي )
ببكي على زول عشقته عشاقه=وترى البكا للاقويا زود قوه
فأن شفت ابن علوش يبكي من فراقه=ترى انحدارات الجبل من علوه
ماذا عن الحب في شعر بن علوش ؟؟
عندما تقرأ قصائده تستنتج شيء واحد .. الجنون .. اقصد الجنون الشعري ..
اني أحبك وأحبك واحبك لين اشيب= يعني لين اموت وانا أحبك للنخاع
القناعة عند سعد علوش ..
قنوع واسخط في كنوز العالم المتشبعه = وقناعتي كنزي وشبعتهم هلاكٍ في هلاك
لا صرت في صحة وخير وذود ابوي مربعه= كنتي ملكت الكون كله من هناك اليا هناك
لماذا السهل الممتنع ؟؟
الرنج والموبايل والتتن والكوت = وأنا وعسرات الليال الطويله
جيناك والدنيا شهادة وتابوت=وقبرونا انتي والهيام الدليله
مبطي وانا معهم نخطط على الموت=والله جابك وانتي احلى وسيله
الحكمة والجزالة في شعر بن علوش
لوما عنايلي صاحبي باعنيله=بقطع علشانه طوال المسافات
ماني بدور فالبدايل بديله=وماهو بيسمع في حاسد وشمات
لاطاح من جور الزمان ارتكيله=أرسم على مبدا مطيحة نهايات
اكتب على أيدين الزمان البخيله=أن البخل ماهو بشبح الكرامات
البخل حرمان اليدين الطويله=من كسبة الأفعال في عصر الاصوات
البساطه في المفردات
يوم شفتك ماسكه يديه قلت= أشهد ان الله في خلقه شؤون
ما قدرت وما صبرت وما أحتملت=ضعت كلي بين أمون ولا اأمون
ودي اسأل بس خايف لا سألت= أنك تقولين لي كيفي بخون
شاعر , عاشق , مجنون ..
أن قال لا أقول لا وأن قال أيه اقول أيه = ماعرف مسمع ما أرى مأ أرى مسمع ما عرف
يغفرلي الله والله يديمه ويرحم والديه = علمني ان البعد نكسة حال والصده قرف
ثقة بالنفس
رح فمان الله وأتركني وأنا عندي مناعه = من كلام ما يجملني ولا يرقا لكياني
ماني أقوله على شان أتناقله الاذاعه=أدري اني مبدع جداً وصح الله لساني
بدوي ,فيلسوف ,مجنون ,طيب ,عنصري ,اجتماعي..
وشتبين بمن عليه الزمان الشين مال=بدوي يكره البحر ويحب الخلا
كنه ليامن تراكا وميّل العقال=تحفةٍ صاغا بها الله على شوية حلا
فيلسوفٍ تنحليله فلاسفة الخيال=فوضويٍ ومطعي الناس والدنيا جلا
عنصري دون ربعه الى حد القتال=أجتماعي مع خصومه الى حد الولا
حنكةٍ تقدر تجاوب على اصعب سؤال=مستحيل تزل حتى لو الصايم كلا
فيه من نزغة شطانة عفاريت الجبال= وفيه طيبة من علا بالمراجل وأعتلا
شاب توه بس ما يهتوى لعب العيال = العيال تحب تلعب ولكن هو ..لا
سوف اختار قصيدته ( اخذيني ) لتكون بطاقة تعريفية لك من يجهل سعد علوش .. ودليل على كلامي الي سبق ان ذكرته ..
أخذيني اليا عجبتك بس رديني= وأن ما عجبتك خلاص أخذيني مابيني
ما دامني شفت فيك الظهر والعفه =باعيف نفسي ليامنك كرهتيني
أخذيني لو أعتبر من ضمن أشيائك= وانا احبك ولا لازم تحبيني
لابي علاقه ولابي نظره وبسمه =أحساسي اني بقربك بس يكفيني
ولو اني انضفت لأشيائك غصب عنك =طلي علي يا غناتي لا تخليني
تراي لا جا المصامد ماني بهيّن=تقول كن العرب لعبه بيديني
شخصيتي من غرابتها وطيبتها= كن الزمن في تحدي بينه وبيني
أخذيني الشاعر الي ما صدق حظه=لا قلت ياحظ وينك ؟ قال يا ويني
أخذيني المبدع المتفلسف التحفه=مؤمن وتضحك على العالم شياطيني
أخذيني العنصري الي صدق متعنصر= من دون ربعي لو أقطع شراييني
أخذيني اللي ليامن طلب يعطا=وتكفين لامن طلبتك لا ترديني
تكفين يا غايتي يا بهجة الدنيا=أبحرق قلوب ناسٍ ما تدانيني
أخذيني بكل شوق وقولي احبه= وأن شككوا فيك والأ في ضميني
قولي (سعد) والله انه غالي جداً=ويا جعل فدوه شبابي واخر سنيني
وأنا بصدق كلامك وأعتنز بالله= وباقول للناس مايعنيك يعنيني
وأنا على نذر ما أرخص جيتك وانتي=نذرٍ على أرقبتك أنك ما تخليني
عزيزي القاريء .. هذا ليس بغربال اقيم فيه شاعرنا سعد علوش .. ولكن هي مجرد وجهة نظرة قابلة للنقاش بأمكانك ان تقبل بها .. وان تعارضها .. فهذا حقك .. ولكن تبقى وجهة نظري الشخصية في شاعرنا المبدع سعد علوش .. ولست محلل او ناقد حتى اقيم شاعر .. فأنا فقط محبة للشعر النبطي ليس اكثر .. وكما سبق ان قلت هذه وجهة نظري الشخصية ..