اعتاد الشعب المصرى فى ايام عيد الفطر كل عام وانتم بخير على تناول الاسماك بمختلف انواعها ولكن هناك الاسماك المملحة المعرفة باسم الملوحة او الفسيخ او السردين المملح
وقد كانت امى رحمها الله تملح السردين كى نتناوله فى عيد الفطر او فى ايام اخرى
مثل يوم شم النسيم فى مصر
لا علينا المهم جبتلكم طريقة عمل السردين المملح وان شاء الله تعجبكم
المكونات:
سمك سردين كبير بالكمية اللى تحبيها وتناسب حجم الاناء اللى هتضعى فيه السمك
مثلا كيلوواحد
والسمك اللى عندنا السردين النيلى اللى بنصطاده من نهر النيل وصورته اهى
ملح خشن عشان نملحه بيه وميتملحشى زيادة
شطة
زيت نباتى
عصير ليمون (3 ليمونات)
الطريقة
1_
فى اناء يمكن غلقه باحكام نضع فيه طبقة من السردين
2_
طبقة من الملح الخشن والشطة ونكرر هذه العملية حتى ننتهى من كمية السمك الموجودة لدينا
3_ نضع الزيت وعصير اليمون وقشرهم ايضا على الوجه
نضع على السطح كيس بلاستيك لنعزله عن الهواء
نغلق الاناء باحكام ونفتحه بعد اسبوع او عشرة ايام ثم نفتح عليه
يتنظف جيدا من الداخل وتنزعى الزعانف الخارجية
ويوضع فى الطبق وتعصرى عليه ليمون كتير وتضيفى له الخل
وتزوقى الطبق بالليمون والبصل الاخضر هكذا
وبالهنا والعافية ان شاء الله
ويا سلام على كوب شاى بعد الاكلة دى يا سلام
وكل سنة وانتوا طيبين
اختكم سلمى المصرية