إخواني أعضاء منتدانا الكرام وزواره إن شاء الله تعالى راح افتح هذا الموضوع حتى نرى ونعلم أنه لا زال الخير في أمة الحبيب المصطفى عليه الصلاة والسلام فبعد أن تم نشر الفيديو للحاجة رحمة أمنا كلنا على اليوتوب في منتديات ستار تايمز وهذا هو الى من يريد أن يراه
فقد قامت مجموعة من الشباب بار ك الله فيهم من منتديات كورة جزائرية بستار تايمز وبعد ان رأوا الحالة المزرية للحاجة كان الله في عونها اقاموا حملة لجمع التبرعات وقد وضع أحد الاعضاء رقم السيسيبي تاعو ورقم الهاتف وكانت خطوة البداية من هنا :
السلام عليكم ورحمة الله تعالى وبركاته
ياجماعة انا شفت الفيديو تاع هديك لعجوز اللي من الاغواط وقررت بربي ان شاء نمشي للاغواط مالقري بعيدة عليا مي ان شاء الله نديبلاصي ونروحلها ونديلها واش كتبلها ربي
المهم انا حابكم نتعاونو كامل كل واحد بواش قادر نلمولها شوي مناب مليح ونتشارك مع واحد والا زوج ونروحولها ونفرحوها في هدا رمضان
يا جماعة الاغواط نحب العنوان تاعها بالتحديد
والله على ما اقول شهيد
نديرو ccp ونلمو فيه واش كتب ربي ونديوهملهاوادا حابين واحد اخر يدهملها ماعندي حتى مشكل
المهم انو الامانة تلحق لاصحابها
وربي يشهد على كل كلمة قلتها
هيا نديرو حاجة مليحة يا خاوتي والله ساهلة شوي ارادة برك
100 دج من عند كل واحد واحنا درنا حاجة مليحة بزاااااااااااف
ربي يقبل علينا كامل
والخاص مفتوح لكل الاقتراحات والتساؤلات
ووقد وضعو عنوان الحملة
***//حملة تبرع-///--- جعلها الله في ميــــزان حسناتكم ***
وعلى بركة الله وعونه كانت الحملة أكثر من رائعة وقد تم تجميع مبلغ مالي رائع وقد اتفقوا على شراء المعزة التي باعتها الحاجة لاجراء عملية لعينها وبعض الحاجيات وتقديم مبلغ مالي لها كاعانة هذا على اسا س ان المبلغ سيكون كاقسى تقدير ربع ملاين
لكن سبحان الله وبحمده وبفضله كانت المفاجأة وكان الخير الهادف من كل حدب وصوب
وكانت الانطلاقة الامس يوم الاثنين من شبابنا بارك الله فيهم وجعل جهدهم في ميزان حسناتهم يا رب وتوكلوا على الله وانطلقوا الى الاغواط حاملين معهم ما قدره الله من تبرعات للحاجة ربي يبارك فيها يا رب
وقد كان التالي :
و الله يجازيهم اهل الجلفة و الاغواط على حسن الضيافة و الكرم التام و الحمد لله . وهذا من شيم العائلات الجزائرية كلها
وبعد اتصال مع الاخ الزبير الاخوة راهم وصلوا الى مبلغ مالي و كيما وعدناكم في الملحق السابق
وهو مقدر والله يبارك بــ :
7 ملايين سنتيم
+
4 الاف دينار جزائري
يعني بالدينار
7.4000 دج
+
2 قندورات
+
صابون savon
+
خمار او مجموعة نتاع قش نسوي
+
......مازال الخير يزيد و الحمد لله
مع بعض المساعدات الاخرى كاغطية والابسة تم جمعها من اخوة أخرين في الفايس بوك
هده المساعدت من اجمعت فالفايسبوك من بني مسوس
زايدة مع المبلغ المالي
وطبعا كانت الاتصالات مع الاعضاء والاخوة الي راحو على الاربع والعشرين ساعة دون انقطاع وعلى المباشر من منتديات كورة جزائرية والكل يترقب وينتظر وصول الشباب عند الحاجة وقد كانت الرحلة طويلة وطبعا متعبة مع الصيام ربي يتقبل منهم يا رب ويجازيهم خير الجزاء وقد افطرو عند اخ لهم هناك قام بدعوتهم {وكان الكل يحوس يعرضهم عندو للفطور يعني ماطاروش }والله يقشعر البدن من مثل هذه المبادرات نسال الله تعالى ان يرزقنا الاخلاص في العمل
وهنا الصور لما وصلوا عند الحاجة لكن للاسف كان الوقت الليل وهي مسكينة ماعندهاش الكهرباء فكانت موش واضحة لكن هوما وعدوا انهم لما يرقدوا شوية ويريحوا لانهم مارقدوش من يومين وكانو ساهرين لفجر اليوم ان شاء الله راهم يحطوا صور أخرى وفيديوات تكون اكثر وضوحا
ان شاء الله يكون الاجر والثواب لكل من ساهم من قريب او بعيد في هذه الحملة الرائعة وربي يفرحهم كيما فرحوها الحاجة رحمة والله العظيم بكاونا شبابنا ربي يباركلهم يا رب ويتقبل منهم صالح الاعمال
انا نقلت لكم الموضوع حتى نعلم ونرى ان الخير لا زال ولا يزال في امة الحبيب المصطفى عليه الصلاة والسلام الى يوم القيامة
تقبلو احترامي وتقديري
اخكم في الله رقية القلب